Meghalaya : Pakistan thlawptu mi pahnih man

Meghalaya-a North Garo Hills district thuneitute chuan social media platform-a India dodalna thu an tlangaupui nia sawi, mi pahnih an man tih police-te chuan Pathianni khan an sawi. Heng mi pahnihte hi Bajengdoba police station hnuaia khaw hran ve ve ah an man.

Official-te chuan heng mi pahnihte hian Facebook-ah video post-in, Garo ṭawng hmanga India dodalna leh Pakistan thlawpna thu an auchhuahpui niin an sawi. "May 15-a district administration-in First Information Report (FIR) a thehluh hnuah thubuai ziahluh a ni a, an pahnih hian Inrinni khan an chenna in aṭanga man an ni," tiin district senior police officer chuan thuthar thehdarhtute a hrilh.

Thuneitute chuan online hmanga India ram huatna emaw, ram leh hnam dodalna emaw puangchhuak tute chu dan angin na taka hrem an nih tur thu an sawi.

Assam-ah pawh April 22-a Pahalgam-a pawikhawihna thlen hnuah ram leh hnam dodalna thil ti nia puh, state pumah mi 65 an man tawh a ni.