Tripura: Army-in Agartala-ah ex-servicemen-te tan programme buatsaih

Indian Army chuan Agartala Military Station-ah Ex-Servicemen Outreach Program lian tak buatsaihin, Gomti, North, South, West Tripura, Unakoti, Dhalai, leh Khowai district aṭanga ex-servicemen-te an tel a ni.

Support service tihchangtlun tumna atan he program hian pension chungchanga harsatna awmte, documentation lama harsatna awmte leh administrative lama harsatna dang chinfel dan tur a ngaihtuah a ni. Welfare scheme thar leh sorkar policy, veteran-te leh an chhungte hamṭhatna tur chungchanga thu hriatte thehdarhna hmun a ni bawk.

Ni khat chhung hmalaknaah hian ex-servicemen 300 vel telin, Veer Naris leh indonaa pasalte sun hmeithai te pawh an tel a ni. Indian Army chuan facilitation cell hrang hrang an din a, heng zingah hian job enrollment centre pawh dah tel niin, veteran-te chu eizawnna tur leh hmasawnna kawngah a pui dawn a ni.

ECHS medical assistance cell pakhat, trained healthcare professional-te awmna chuan hriselna endikna, damdawi lama inenkawlna, leh damdawi lam thurawn an pe a, a bik takin hmun hla tak aṭanga lo kalte an pui bawk.

He huna thil langsar tak chu Station Commander leh veteran-te inkara inbiakna a nih thu tarlangin, an inpeknaah thinlung taka lawmthu sawiin, ram leh hnam tan hmalam hun siam tura an chanvo pawimawh tak a sawilang bawk. A thusawiah chuan sipaiten sipai pension tawhte chawimawi leh thlawp tura an inpekna chu a sawi uar hle.