Assam-in Rs vbc 23,000 investment a hmu

Assam chief minister Himanta Biswa Sarma chuan Pathianni khan Advantage Assam 2.0 hmalakna hnuaia investment proposal, a vaiin Rs vbc 23,000 an hmuh thu a sawi. Heng project hian state pumah hnathawh tur thar 6,000 vel a siam dawn a, Assam industry ṭhanlenna leh hmasawnna nasa tak a thlen thei a ni.

CM Sarma chuan Guwahati Srimanta Sankardeva Kalakshetra-a high-profile investment conclave neihah he thu hi sawiin, Memorandum of Understanding (MoU) 20 chuang an ziak a ni. He hunah hian industry hruaitu pawimawh tak tak te leh sorkar official-te an tel.

Sarma chuan state-in industrialization lama hma a lakna nasa tak tarlangin, Rs vbc 30,000 man project-ah siam a nih tih a sawi. Assam-in industry hmasawnna tur boruak ṭha tak siamin, investment deal Rs vbc nuai 5.18 hu ziah a ni tawh a ni, a ti. Infrastructure lama hmasawnna atan Guwahati Ring Road leh Narengi-Kuruwa bridge project siam a nih dante tarlangin, investment zawng zawng chu Rs vbc 7,800 a tlin thu a sawi.

Prime minister Narendra Modi chu September 8 hian heng project hrang hrang lungphum phum tir tum a ni.