Assam : ABSS hnuaia station siamṭhat hmasak ber Haibargaon

Assam-a Nagaon district-a Haibargaon Railway Station chu prime minister Narendra Modi-a’n ram pum huapa virtual hmanga hawnna hun a neih hnuah, Ningani khan governor Lakshman Prasad Acharya chuan official-in a hawng.

Haibargaon Railway Station hi Amrit Bharat Station Scheme (ABSS) hnuaia Assam-a station cheiṭhat tur thlan chhuah 50 zinga chei ṭhat tura hawn hmasak ber a ni.

He station cheiṭhatna tur hian Rs vbc 15.85 invest a ni a, khualzinte tana zinkawng nuam zawk an zawh theihna tura hmanraw changkang zawk siam leh infrastructure tih changtlun tum a ni.

ABSS hnuaia a thawh khatna atana ram pum huapa railway station cheiṭhat tur 103 hawn zingah Haibargaon hi a tel a ni. Hei hi Assam chauh ni lo, hmarchhak tan a pawimawh hle. He hmalakna hian inkalpawhna lam a ti changtlung thei dawn a, tualchhung tan pawh hmasawnna a thlen dawn a ni. ABSS hnuaia thlan chhuah dang, Assam-a station 49 cheiṭhat thuai beisei an ni bawk.