Manipur : Churachandpur-ah special NIA court din

Sorkar laipui chuan Manipur-a kum hnih kalta aṭanga tualchhung buaina chhuak chungchanga thubuai hrang hrang ngaihtuahtu tur, special National Investigation Agency (NIA) court chu Churachandpur district-ah a din.

Ministry of Home Affairs (MHA) chuan Ningania thuchhuah a siamah, Court of District and Sessions Judge, Churachandpur chu NIA Act 2008, Section 11 hnuaiah Special Court tihin hna an thawk tawh dawn tih a tarlang. He thutlukna hi Manipur High Court chief justice thar a rawn hnuah siam a ni .Ningani khan High Court chief justice thar Justice Kempaiah Somashkar chu lak luh a ni. Special court hian Manipur state chhung zawng zawng a huam ang.

NIA hian case lian tham tak tak pathum chhuizui an nei mek a, heng zingah hian inrukbo leh Jiribam-a hmeichhe paruk leh naupang rawng taka thah an nih chungchang pawh a tel. Agency chuan heng case-ah hian November 2024 khan thubuai an ziaklut tawh a ni.