Meghalaya : NEHU stakeholder-ten VC ban turin phût

Meghalaya-a North Eastern Hill University (NEHU) stakeholder-te chuan Ningani khan vice chancellor Prof. PS Shukla chu rang taka ban turin an phût. An thil phut hi university dinhmuna enfiaha tlawhtu, union ministry of education team hnenah an thlen.

Central team,Higher Education Department-a additional secretary Sunil Kumar Barnwal leh director Subrat Kumar Pradhan awmna chuan NEHU hi tlawhin, Ningani khan university-a thawktute, zirlaite leh non-teaching staff te nen closed-door meeting an nei a ni.

North-Eastern Hill University Teachers Association (NEHUTA) president Prof. Lakhon Kma chuan meeting hlawkthlak tak an neih thu sawiin, university chhunga buaina awmte chu Vice Chancellor tel loa sawi ho a nih bakah, Prof. Shukla chu university-a a kir leh an remtih loh thu thuthar thehdarhtute a hrilh. Central team leh NEHU stakeholder-te chuan university chhunga buaina awm mek chinfel kawngah ngaihdan leh duhdan inṭawm an neih thu a sawi.