Assam Museum leh Dibrugarh University-in MoU ziak

Assam Directorate of Museums leh Dibrugarh University chuan May 18, International Museum Day khan thawhdunna tur Memorandum of Understanding (MoU) an ziak. He hmalakna hi heritage research, culture vawnhim leh zirlaite hmasawnna atana tih a ni.

MoU hmang hian Dibrugarh University chuan digital lama hmasawnna, research lama thawh dunna leh, Museum Directorate kaltlanga zirlaite tan internship a ruahman sak dawn a ni. MoU Assam Museum director, Arindom Barua leh Dibrugarh University registrar (in-charge) Prasanta Kumar Kakati te chuan vice chancellor Jiten Hazarika hriatpuina hnuaiah an ziak. An thawhdunna hian Dibrugarh University chu hmarchhak biala cultural research neihna hmun pawimawh takah a hlangkai thei dawn a ni.

Vice Chancellor Hazarika chuan he thawhdunna hian zirlaite tan heritage humhalh kawngah hun ṭha a pe dawn a, zirna kawnga platform pawimawh tak leh hnam ziarang hlu tak takte vawnhim kawngah nasa takin a pui dawn a ni, tiin a sawi.

MoU an ziah rual hian university chuan ni hnih chhung awh international conference, "Reimagining Heritage Conservation: Innovative Strategies for Sustaining Cultural Landscapes and Narratives in Diverse Communities" tih chu May 18-19 khan an buatsaih. He hunah hian culture lama mi thiam leh ril tak tak, India ramchhung leh pawn aṭanga chhimtu awmin, chung zingah chuan Thailand-a Khon Kaen National Museum aṭangin Laxaman Boomreng leh Korrakech Panich te an tel. Thupui hi "Museum on the Move" tih an hmang.