Meghalaya : Eptu pawl hruaituin NEHU enkawl danah sorkar sawisel

Meghalaya-a Leader of Opposition, Trinamool Congress hruaitu Mukul Sangma chuan state sorkar chu North Eastern Hill University (NEHU) buaina kal mek chinfel kawnga a hmalak danah na takin a sawisel.

Thuthar lakhawmtute a kawmnaah, Sangma chuan thla tam tak chhung buaina reh thei lo awm tawh chu sorkar mawhphurna a nih thu sawiin, state leh sorkar laipui chu university hmingchhiat belh zel lohna tura buaina awmte chingfel vat turin a ngen. Hetih lai hian state sorkar chuan NEHU chu central university a nih avangin inrawlh theih lohna chin an neih thu an sawi ve thung.

Sangma chuan NEHU buaina bakah sorkar hnuaia company-ten state pawn lam mi hnathawk tura an ruai ṭhin chu a ngaihmawh thu sawiin, Shillong Smart City LTD pawhin an project thawk turin state pawn lam mi an chhawr ṭhin thu a sawilang. Hnathawk tura state pawn lam mi an chhawr ṭhin chu Meghalaya khua leh tui te tan a rilru nat thlak thu Sangma chuan a sawi bawk.