Arunachal : NE Summit-ah MoU Rs vbc 6,357 hu ziak

Arunchal Pradesh sorkar chuan May 23-24, 2025-a New Delhi-a Rising Northeast Investors Summit 2025 neihah khan company 16-te chu thawhpui turin inremna, Memorandum of Understanding (MoU), Rs vbc 6,357 hu a ziahpui.

MoU hi state department of planning and investment leh private investor hrang hrangten an ziah niin healthcare, renewable energy, tourism leh IT bakah sector dangahte ziah a ni. MoU an ziah hi deputy chief minister Chowna Mein chuan a telpui bawk.

Inlamobi Pvt. Ltd. chuan Rs vbc 1,000 sengin European Blue Valley Fragrances & Flavours leh Ayush Cluster a siam dawn a, Medhavi Group chuan Ziro-a kill, Innovation and Tribal Entrepreneurship University dinna turin Rs vbc 178 a invest dawn a, he project hmang hian direct-in mi 430 tan hna an siamsak thei dawn bawk a ni. Farm Native Group chuan Rs vbc 150 sengin khum 250 awmna, super-speciality hospital a din dawn a, mi 9,00-1,100 tan hna thawh tur an siamsak thei dawn a ni. Zedsofpoint chuan data centre, IT leh ITeS dinna turin Arunachal Pradesh sorkar chuan inremna a ziahpui a, Vishwakarma & Co pawhin Ziro-ah tourism-focus hotel, Rs vbc 100 sengin a din dawn bawk. Agri-Biofuel Global Ltd nen pawh Rs vbc ₹2,324 hu inremna an ziak bawk.

Dy CM Mein chuan investors-te chungah lawmthu sawiin, inremna an siampui thei chu an state tana thil chhinchhiah tlak, hriatreng tur leh danglamna thlentu tur a nih thu a sawi. Planning and investment department chungah pawh state tana ṭhahnem ngai taka an hma lakna avangin lawmthu a hrilh bawk.

Rising Northeast Investors Summit 2025 neih zawh takah khan ram pum huapa sumdawng lian, Mukesh Ambani, Gautam Adani leh Anil Agarwal te chuan hmarchhak tana investment lian tham tak an tih tur thu puangin, an pathuma investment an tih tur an puan kha Rs vbc nuai 1.55 a tling a ni.