Assam : SC-in fake encounter nia sawi chhui chiang turin AHRC hriattir

Supreme Court chuan Assam Human Rights Commission (AHRC) hnenah Assam police-ten dawt hmanga mi an beihna, fake encounter nia sawi chungchang chu chhui chiang turin Thawhlehni khan a hriattir.

Assam-ah hian police-ten dawt hmanga an beihna nia sawi, fake encounter hi 171 a awm nia sawi a ni.

Justice pahnih, Syria Kant leh N Kotiswar Singh awmna bench chuan fake encounter hi ngaihthah mai chi a ni lo tih sawiin, commission hnenah pawh a tuartu chhungte hnenah thil thlen dan kimchang hriattir tura thuchhuah siam turin a ti bawk. "Fake encounter nia sawi tam tak hi a serious hle. Hengte hi a dik ngei tih finfiah a nih caun Constitution Article 21-a right to life bawhchhiatna lian tak a ni. Hei vang hian chhui chian ngei a ṭul a ni," a ti.

State commission hnenah hriattirna a pek rual hian Supreme Court chuan an kalpui dan tura kaihhruaina pawh a ti chhuak nghal a, fake encounter nia sawi tuartu chhungte chu an case ngaihtuahnaah an tel ve ngei a ngai tih a sawi.