Nagaland leh SKorea-in thawh dun dan tur sawi ho

Nagaland sorkar hnuaia Industries & Commerce (I&C) department aiawhte leh an state tlawhtu, South Korea palaite chuan Nilaini khan meeting neiin, field hrang hrang - trade, investment, technology leh thil danga Nagaland leh SKorea thawh dun theih dan turte an sawi ho.

State I&C Department aiawhte hi aadvisor Industries & Commerce Hekani Jakhalu leh director P. Tokugha Sema ten an ho a, SKorea palaite hi mission deputy chief Sang Woo Lim an a ho a ni. Directorate of industries & commerce, Kohima-a meeting neihah hian senior official dangte pawh an tel bawk.

South Korea palai hotu, Sang Woo Lim chuan Nagland sorkar nena an thawk dun thei tur chu an phurin an hlim hle tih a sawi a, India ramah investment tih ngai se Nagaland chu a thlan hmasa ber tur a nih thu a sawi. SKorea chuan India hmarchhak bial, a bikin Nagaland thawhpui chu a ngaihven hle a ni, a ti.