Assam-ah Dengue review committee din

Assam-ah dengue natna avanga thi an awm leh tak avangin, state health department chuan review committee a din nghal.

Assam-ah hian dengue natna vei mi 2,854 hmuh-chhuah tawh an ni a, kar kalta chhung khan he natna vei hi mi 90 hmuhchhuah belh leh an ni. A darh zel tur ven nan leh mipuite an him zawk theih nan health deparment chuan kar kalta Ningani khan 'review committee' a din a, a ṭul dan angin hma an la dawn a ni.

Kamrup district-ah chuan tun hnaiah dengue natna vangin mi pahnih an thi a, district dangah pawh thi an awm belh nia tarlan a ni. Review committee chuan dengue vei te enkawl dan an zirchhiang mek a, mipuite hnenah a inven dan zirtirna an pe chhuak bawk. Hemi chungchangah hian District hrang hranga health officer, malaria officer, Indian Medical Association, district medical officer, health service director leh Gauhati Medical College Hospital-a microbiology HOD-te chuan hmalak dan an ngaihtuah nghal a ni.