Assam-ah Bodo-te'n rel kawng dang dawn

Assam-a Bodo pawl hrang hrangte chuan vawiin aṭang hian Bodoland state phutin, darkar 12 chhung rel kawng an dang dawn.

All Bodo Students Union President Promod Boro chuan, Basugaon (Kokrajhar district) leh Udalguri (Udalguri district)-ah te rel kawng an dan tur thu sawiin, state sorkar leh sorkar laipui chu an thil phut chungchangah hma la thuai turin an phut tih a sawi. Boro chuan BJP sorkar hnuah Union Home Minister Rajnath Singh chu state hran pek an nih theih nan vawi sarih an hmuh tawh thu sawiin, Minister of State for Home Kiren Rijiju pawh vawi 10 lai hmalak pui tura an ngen tawh thu a sawi. Nawrh hi zing dar nga aṭangin ṭan a ni dawn a, Peoples’ Joint Action Committee for Bodoland Movement (PJACBM) leh National Democratic Front of Bodoland’s (NDFB) te chuan an thlawp tur thu an sawi tawh.

ABSU hruaitute chuan Assam Chief Minister Sarbananda Sonowal chuan an state-ah BJP a sorkar a nih chuan Bodo te chu state hran pek a tiam niin an sawi a, mahsetun thlengin hmalakna a la awm lo niin a sawi. August 30 khan ABSU-te hian lungawi lohna lantirin Bodoland huam chhungah National Highway an lo dang chat tawh a ni.