Neiphiu court-ah inlan

Nagaland Lok Sabha MP Neiphiu Rio chu kar kalta Zirtawpni khan education qualification chungchangah court-ah a inlan.

Rio hi Kohima-a Chief Judicial Magistrate First Class (JMFC) hmaah inlanin, amah thlawptu mi ṭhahnem tak chu court tualah an pungkhawm a ni. Rio tan hian dan hre mi Senior Advocate BK Mahajan chu dingin, November 11-ah court-ah inlan leh tura tih a ni. Mahajan chuan, "India khua leh tui kan nih angin dan kan zah a ngai a, court-a inlan tura tih a nih angin Rio pawh a inlan mai a ni. Education qualification chungchangah tih dik loh a nei lo a, college authority-te thil tihsual palh vang zawk a ni" tiin, Rio chuan tih dikloh a neih loh thu a sawi. Rio pawhin, educational certificate chungchangah mi zawng zawngin college authority-te thil tih dik tawk loh vang a nih thu an hre tawh a, mahse dan angin court-ah inlan a ṭul a ni, a ti.

Nagaland Chief Minister hlui Neiphiu Rio hi 2013 general election-a a affidavit-ah BA honors anga ziah lan nia tarlan a ni a, mahse hei hi collge lam tih dik loh zawk nia sawi a ni.