Assam School naupang ten US Presidential Poll zirchhiang

Assam khawpui Guwahati-a NPS International School naupangte chu US Presidential debate leh Presidential Polls zirchiang turin US-ah hruai an ni.

Zirlai naupangte hi mi 17 an ni a, thawktu mi paliin an hruai a ni. Class VI zirlai Jyotirmoy Das chuan, "India ram ang lo takin US-ah chuan inthlan kaihhnawih banner emaw poster tar hmuh tur a awm lo a, Presidential debate pawh mi tam zawkin TV
aṭangin an thlir a ni" a ti. Zirlaite chu US president thlan dan kimchang zirtir an ni. NPS International School hian khawvel ram hrang - Spain, London, Germany, Dubai, Sri Lanka leh hmun dangah zirlai an lo tir chhuak tawh ṭhin a ni. Heng bakah hian NASA hmunpui te tlawhpui an ni a, thil chi hrang hrang zirtir ṭhin an nih thu he school Founder leh Chairman ni bawk J.N. Das chuan a sawi.