Manipur CM-in Ukhrul district-ah beih tawk

Manipur Chief minister Okram Ibobi Singh chu Ukhrul district-ah beih a tawh avangin, state khawpui Imphal-ah Heli-copter-a phurh let a ni.

CM Singh hi Ukhrul district-a Hunphung leh Chingai khuaa programme pawimawhah kalin, a tih tur a tih hmain buaina a chhuah avangin Ukhrul helipad aṭangin thlawh chhuahpui a ni a, Chingai-ah ṭum tura tih ni mah se khaw mipuiin an duh loh avangin Imphal-ah a let a ni. Ukhrul district-ah hian hospital khum 100 awmna leh power sub-station hawng tura kal a ni. Mahse Pathianni zan aṭang khan district hospital bulah hian mi tu tih hriat loh ten bomb an kam nia sawi a ni a, CM programme chu tihbuai an tum nia tarlan a ni.

Buaina chhuahna hmunah hian hel leh secu-rity force-te chu an inkap a, security force mi pakhat chuan hliam a tuar. Inkahna thlenna hmunah hian AK 47 pahnih man a ni.