Tripura-ah Police pathum suspend

Tun hnaia Tripura Central Jail aṭanga dam chhunga tang tura hrem mi pathum an tlan chhuah hnuah, Jail-a thawk mi pathum te chu suspend an ni.

Suspend zingah hian Tripura Central Jail superintendent Santosh Bahadur pawh telin, a ni bakah hian midang pahnihte chu suspend an nih thu Home (Jail) Department official chuan a tarlang. Dam chhung tang tura tih mi pathum - Milan Debbarma, Swarna Kumar leh Rabindra-te hi kar kalta Zirtawpni zan khan Jail aṭang hian an tlanchhuak a, zawn mek an ni. Heng mi pathumte hi kum 2012 khan thiam loh chantir an ni a, dam chhunga tang tura hrem an ni. Sepahijala district police chief Sudipta Das chuan state chhunga police station zawng zawng te chu hriattir an nih tawh thu leh, ramri kana Bangladersh an luh lohna turin Border Security Force-te chu ramri khar tura hriattir an nih thu a lo sawi tawh bawk.

State chief secretary Yashpal Singh leh DGP K. Nagaraj-te chuan Pathianni khan central jail hi an tlawh a, jail security a ṭhaṭ tawk leh tawk loh an enfiah. Tripura Central Jail hi kum 1874 khan Agartala-ah din a ni a, kum 2013 khan Agartala aṭang hian Bishalgarh-ah sawn a ni.