Assam leh Meghalaya-in joint hydel project siam dawn

Assam leh Meghalaya sorkar chuan 55-megawatt hydropower and irrigation project siam dun an tum. He thutlukna hi Guwahati-a state pahnih chief minister-te meeting an neihah an siam a ni.

Assam chief minister Himanta Biswa Sarma leh Meghalaya chief minister Conrad K Sangma te chuan meeting an neih zawhah chanchinbu mite an kawmnaah an thutlukna siam hi an puang a ni. Sarma chuan, "State pahnih sorkar chuan tualchhung mite a biakrawn hnuah 55 MW Kulsi hydropower-cum-irrigation project siam an tum a ni. He project hian state pahnih tana electricity a pek chhuah dawn bakah, irrigation lamah Assam pawhin a chhawr ṭangkai dawn hle a ni," a ti. Kulsi lui hi Brahmaputra lui peng, Guwahati khawthlanga lama luang a ni a, Meghalaya-a West Khasi Hills district-ah a luang lut a ni.