Nagaland: CM-in zirna leh sport tih hmasawnna tur lungphum phum

Nagaland chief minister Neiphiu Rio chuan Nilaini khan Kohima-a Chief Minister’s Residential Complex (CMRC) aṭangin virtual hmangin state chhunga zirna in pakua sakna tur lungphum a phum a,sports and recreational infrastructure project paruk a hawng bawk.

CM-in Nagaland Education project hnuaia district hrang hrang pakuaa Lighthouse School Complex (LSC) lungphum a phum tak sikul sakna tur hian World Bank fund hman a ni dawn. Kum kalta December thla khan CM Rio hian LSC hnuaia sikul sakna tur pasarih lungphum a lo phum tawh bawk a ni.

Sikul 16-te hi flagship Nagaland Education Project – The Lighthouse (NECTAR) hnuaiah sak a ni dawn a, a sakna senso atan hian Rs vbc 198.57 ruahman a ni. CM Rio chuan School Education Department leh NECTAR project te chu an hmalaknaah a fak hle a, Union Ministry of Education aṭanga thlawpna leh thawh hona an neih ṭhat avangin lawmthu a sawi bawk.

CM Rio chuan state chhung hmun hrang hranga sports and recreational centre paruk a hawng bawk. Dimapur district-ah wrestling centre dah a ni a, Wokha district-ah mini stadium dah niin, multidisciplinary sports stadium chu Shamator district-ah siam a ni.