Assam-a inkalpawhna siam nan cheng vbch nuai khat ruahman

Union Minister for Road Transport, Highways and Shipping Nitin Gadkari chuan, Assam-a inkalpawhna tihchang-tlunna turin sorkar laipui chuan cheng vaibelchhe nuai khat a pechhuak thuai dawn niin Assam Chief Minister Sarbananda Sonowal a hrilh.

Union Minister leh Assam CM te hian tun hnai khan Assam-a inkalpawhna ṭha zawk a awm theihna tura hmnalak dan tur an sawidun a ni. Nitin Gadkari chuan tuna sum pek chhuah tur hi tui leh khawmuala inkalpawhna tihchakna tur a nih thu a sawi. Inkalpawhna siamna atana kum hmasa lama cheng vaibelchhe 450 pek chhuah chu, cheng vaibelchhe 800-ah sorkar laipui chuan a tipung dawn niin a sawi. Sonowal chu Assam-ah National Highway thar km 1,200 a thui siam a nih theih nan hma la a hrilh.

Gadkari hian Sivsagar-Desangmukh-Tekeliphuta-Dhakuakhana-North Lakhimpur-Majuli-Jorhat road project chu sorkar laipuiin a pawmpui niin a sawi a, Guwahati-a traffic jam tih ziaawmna turin by-pass eng emaw zat siam a ni ang, a ti. Heng bakah hian Dhola-Sadia bridge-a solar LED Light bunna atan cheng vaibelchhe 30 pekchhuah a nih tur thu sawiin, Brahmaputra Express Highway siamna turin sorkar laipuiah rawtna thlen turin Assam CM chu thurawn a pe bawk.

Union Minister leh Assam CM-te hi sorkar mi pawimawh ṭhahnem takin an
ṭawiawm a ni.