Manipur-ah Police officer 10 suspend

Manipur Chief Minister Okram Ibobi Singh beih a nih chungchangah police officer 10 suspend an nih thu additional director general of police (Intelligence) P. Doungel chuan a sawi.

Police officer suspend te hi Ch. Shaktichand, Anthony, Velin Zimik, Z Vaomi. Satyapanta, Z Bightson, Th Ibohal, H Achung, H. Khanarkhai leh C L Mathew-te an ni. CM-in Ukhrul a tlawh dawn hian mi tam tak chuan duhlohna lantirin, district hospital panna kawng an dan bakah, kawngpuia lung dahin, motor tyre te an hal a ni. He thil thleng hi ngun tak chhui zui nghal a nih thu DGP L M Khaute chuan a sawi. He thil thlengah hian sub-inspector mi parukte chu an hna thawk ṭha tawk lohah puh an ni a, anni bakah hian assistant sub-inspector (2) leh head constable (2) te chu mawhphurhna hlen zo loah puhin suspend an ni.