ONGC-in Tripura-ah Natural Gas zawng leh dawn

Oil and Natural Gas Corporation (ONGC)-in Tripura-ah natural gas zawn hna an thawk leh dawn tih ONGC Executive Director S.C. Soni chuan a sawi.

ONGC Executive Direc-tor chuan, “Tripura-ah natural gas zawn hna thawh a ni leh dawn a, a bikin Bangladesh ramri hnaiah a zawn hna ṭan a ni ang" a ti. January 2017 ṭangin hna
ṭan hman beisei a ni a, gas tam zawk la chhuak turin beihpui thlak a ni leh dawn a ni, a ti. ONGC hian kum khat chhungin khur 14/15 te an verh hman ṭhin a, Tripura-ah bik hian khur 210 lai an verh tawh a ni. ONGC thuchhuah chuan Tripura-ah hian natural gas lakchhuah loh eng emaw zat a la awm ngei beisei a ni a, heng te la chhuak tur hian beihpui thlak a ni leh dawn tih a tarlang.