Union Minister-in Subansiri Project tlawh

Union Minister of State for Water Resources, River Development and Ganga Rejuvenation, Dr Sanjeev Kumar Balyan chuan Thawhlehni khan Assam-Arunachal Pradesh border-a Lower Subansiri Hydroelectric Power Project (LSHEP) chu a tlawh.

Megawatt 2,000 pe chhuak thei tur LSHEP hi kum 2005 khan bulṭan a ni a, kum 2011-a hawn hman tura tih an ni. Chhan hrang hrang vangin he project hi tun thlengin zawh a la ni lo a, 50% vel zawh a ni tawh. He project hi pawl hrang hrang chuan an dodal a, environment a tichhe nasa lutuk tia sawi pawl an awm bawk. Union minister hi NHPC official-te chuan lo dawngsawngin, hna thawh dan tlangpui an lo hrilh a ni. Dhemaji (Assam) leh Lower Subansiri (Arunachal Pradesh)-a district thuneituten an ṭawiawm bawk.