Sikkim CM-in Hydro-Electric Project hawng turin Modi sawm

Sikkim Chief Minister Pawan Chamling chuan Teesta Stage III Hydro Electric Project hawng turin Prime Minister Narendra Modi a sawm.

Sikkim-ah hian Magawatt 1200 pe chhuak thei tur Teesta Stage III Hydro Electric Project (HEP) hna thawh mek a ni a, he project hi December 31, 2016-ah hawn hman beisei a ni. Pawan Chamling chuan Teesta Stage III HEP hawng tur hian Modi chu a sawm a ni. Project hi hawn a nih hunah chuan India rama hydro project lian ber dawttu a nih dawn bakah, Public Private Partnership (PPP) mode-a kalpui hydro project lian ber a ni ang.

Chamling chuan Prime Minister hnenah hian ngenna thlenin, an state chhunga hydro-power project te a hun takah zawh an nih theih nan hma lak pui turin a ngen. Limboo-Tamang hnam te Scheduled Tribes (ST) status pek an nih theih nana hma lakpui turin a ngen bawk. Sikkim Chief Minister Pawan Chamling chuan an state-ah '17th Gyalwa Karmapa Ogyen Trinley Dorje' kalpui a nih theih nana hma lak pui turin Prime Minister Narendra Modi chu a ngen bawk a ni.