Hayuliang by-election-ah Pul-a nupui ding dawn

North East Democratic Alliance (NEDA) chuan Arunachal Pradesh-a Hayuliang assembly constituency by-election neih turah, candidate tur official-in an puang ta. Hayuliang by-election hi November 19-ah neih a ni ang.

Aruchal Pardesh chief minister hlui Kalikho Pul-a nupui, Dasanglu Pul chu NEDA candidate atan hian thlan a ni a, BJP ticket-in a ding dawn a ni. AP Pema Khandu chuan Dasanglu Pul hming hi NEDA Convenor Himanta Biswa Sarma hnenah an pek luh tawh thu sawiin, a pawmpuina nghah mek a ni, a ti. Arunachal-a sorkar lai People's Party of Arunachal (PPA) leh BJP-te chu an thawhho thu a sawi tel bawk. BJP state unit President Tapir Gao chuan Dasanglu Pul chu mi ṭha tak a nih thu sawiin, a pasal boral ta Kalikho Pul-a hnung zui turin politics lamah ke a pen chhuak dawn a ni, a ti.

Hayuliang assembly constituency by-election atan hian November 2 thleng nomination a thehluh theih a, Novem-ber 3-ah endik niin, Novem-ber 5 thleng candidate-te chu an inhnukdawk thei dawn a ni. November 19-ah vote thlak a ni dawn a, vote tla te hi November 22, 2016-ah chhiar leh nghal a ni ang.