SC-in Assam sorkar hriattirna pe

Supreme Court chuan Assam sorkar chu National Register of Citizens (NRC) kalpui mekah 'verification document' thehlut turin a hriattir.

State NRC Coordinator Prateek Hajela chuan state sorkar endik turin document 3,05,995 an thehluh thu sawiin, a chhanna an la dawn loh thu a sawi. Document thehluh tam zawk chu Bangladesh aṭanga pemlut, Assam-a cheng zui ta te an nih thu a sawi bawk. Justice Ranjan Gogoi chuan, “Court thupek hi state sorkarin a tihlawhtling lo a nih chuan, Chief Secretary-te chu court-ah inlan tura koh an ni ang" a ti. Supreme Court chuan Union Finance Ministry chu NRC project zawhfel thuai a nih theih nan sum pe chhuak turin a hriattir bawk.