Nagaland-in Covid-19 vanga thi Sorkar hnathawk chhungte zangnadawmna pe dawn
Nagaland sorkar chuan state sorkar hnuaia thawk, hri leng kara hna an thawh avanga Covid-19 kaia an thihpui a nih chuan, an chhungte hnenah zangnadawmna cheng nuai 10 pek a ni dawn tih a puang.
He ruahmanna siam hian police bakah urban local body hnuaia thawkte pawh a huam vek ang.
Thawhṭanni khan state sorkar chuan department tina administrative head, district tina office head-te chu nimin aṭang khan an hnathawhna hmuna awm vek tawh turin a ti. An awm lo a nih pawhin thuneitu lamah phalna laa, an awmna hmun lam pan nghal turin a ti a ni.