NFR-in hmarchhak khawpui pawimawh-ah rel tlan tir dawn

Northeast Frontier Railway (NFR) chuan mipui-te mamawhna avangin hmar-chhak khawpui pawimawhah November 12 aṭangin rel a tlan tir dawn.

Rel te hi Guwahati - Silchar (383 km), Guwahati - Agartala (577 km) leh Dibrugarh - Agartala (721 km)-ah te kar tin tlantir a ni dawn tih NFR Chief Public Relations Officer Pranav Jyoti Sharma chuan a sawi. Thla li chhung tlan tir phawt an ni dawn a, mipuite mamawh dan a zirin chhunzawm a ni ang. Tun dinhmunah hmarchhaka khawpui 25 - Guwahati, Silchar, Dibrugarh, Tezpur, Jorhat, Dhubri, Tinsukia, Shibsagar, New Bongaigaon, Hojai, Lum-ding, Maibang, New Haf-long, Diphu, Badarpur, Karim-ganj, Agartala, Itanagar, Mendipathar, Dimapur, Jiribam leh Bhairabi-ah te rel service tir mek a ni.

NFR chuan kum 2020-ah chuan hmarchhak khawpui zawng zawngah rel service tir turin hma a la mek tih Jyoti Sharma chuan a sawi. Tunah hian Assam-ah ‘Kaziranga Express’ tlantir tura hmalak mek a ni bawk.