Naga-te'n Sadar Hills leh Jiribam district pek tum duh lo

United Naga Council (UNC) chuan kar kalta Inrinni khan Manipur-a Sadar Hills leh Jiribam-te district pek an ni tur duhlohna lantirin, Manipur-a Naga te chenna bialah darkar 48 awh nawrh an huaihawt a, nunphung a khaihlak hle.

Nawrh huaihawt a nih vang hian national highway-ah lirthei eng emaw zat an tangkhang. UNC-te chuan Sadar Hills leh Jiribam-te district puitlinga hlankai an ni tur chu an duh lo tih sawiin, state sorkar chu helte khawi ngamah an puh. Hman aṭanga Naga te lo chen tawhna ṭhinna ram chu chhuh luih an ni mek tih sawiin, Naga aiawh leh Manipur sorkarin inremna an lo ziah tawh chu hnualsuat a ni, an ti.

Hetih lai hian All Naga Students’ Asso-ciation, Manipur (ANSAM) chuan an ram chin chhuh luih an ni mek chu an duh lo tih an sawi a, an ram humhim turin an penchhuak tih an sawi. ANSAM-te hian Sadar Hills leh Jiribam te district pek an nih tur chungchanga an lungawi lohna hrang hrangte Governor Najma Heptulla hnenah an thlen. Naga leh Manipur sorkar chuan ‘District Re-Organisation’ chungcangah inremna an lo ziak tawh tih an tarlang bawk.

ANSAM-te'n go-vernor hnena memo-randum an thehluhah hian ANSAM president, Seth Shatsang leh speaker Souni Khapa te chuan hming an ziak a ni.