Delhi-ah North East Festival buatsaih dawn

North East Festival vawi li-na chu November 46 chhungin Indira Gandhi National Centre of Arts (IGNCA), New Delhi-ah neih a ni dawn.

North East Festival chief organiser Shyamkanu Mahanta chuan, hmarchhak hnam hrang hrangte culture pholanna leh thiam thil phochhuah nana buatsaih a nih thu a sawi. He hunah hian Brahmaputra lui lianin nghawng a neih hrang hrangte, leilung luangral a nasat phah dan te sawihoin seminar buatsaih a ni bawk ang. Brahmaputra luiin kum tin Assam mipuite tana harsatna a thlen ṭhin tarlan a ni dawn bawk. Seminar-ah hian Assam Water Resources Department aiawh leh sorkar laipui mi pawimawh te an tel dawn a ni. Hetih rual hian festival chu tourism tihhmasawn nan hman an tum thu sawiin, mipuiten an chhim theih tur thu Mahanta chuan a sawi.

Festival-ah hian Assam aṭangin musician lar, rapper leh D J te an che dawn a, rock band tel tur zingah hmarchhaka band lar - Fourth Element, Mo & The Shooting Stars bkah Mizo band lar Reverse Tragedy-te an inlan dawn a ni. Fashion show buatsaih a ni dawn bawk a, hmarchhaka designer leh model ṭhahnem tak tel tura beisei an ni. Heng bakah hian art workshop, photography exhibition-te buatsaih a ni bawk ang.

North East Festival-ah hian hmar-chhak hnam hrang hrangte culture tilang thei thil phochhuah a ni dawn a, state hrang hrang aṭangin mi
ṭhahnem tak an fuankhawm rin a ni.