Modi-a kaihhruai sorkarah tribal-te dinhmun a ṭha : Rengma

National BJP Vice-President for Scheduled Tribe Morcha, Johnny G Rengma chuan Prime Minister Narendra Modi-a kaihhruai sorkar-ah tribal-te dinhmun a
ṭhat thu a sawi.

BJP hruaitu hian New Delhi-a National Tribal Carnival a hmanpuinaah he thu hi sawiin, tribal-te chuan Modi-a kaihhruai sorkarah hmun pawimawh tak an chan thu uar takin a sawi. National Tribal Carnival hi October 25 - 28 chhung khan New Delhi-ah buatsaih a ni a, PM Narendra Modi chuan a hawng a ni. He carnival-ah hian ram chhunga tribal 28,000 chuang an fuankhawm a ni.

Johnny G Rengma chuan NDA kaihhruai sorkar chuan tribal-te tan hna nasa takin a thawk a, hmasawnna tur a ngaih-tuah sak reng a ni, a ti. Tribal-te chimral an nih lohna turin kawng hrang hrangin hma lak a ni tih sawiin, tun dinhmunah tribal-te dinhmun a ṭhat thu a sawi. Carnival-a tel te chu duhsakna hlanin, sorkar laipui hmalakna te thlawp zel turin a fuih bawk.

Rengma chuan hmar-chhakah BJP-in huang a zauh zel thu sawiin, "Assam-ah sorkarna kan chang tawh a, tunah Manipur leh Nagaland-ah te hnehna chang leh ngei turin hma kan la a ni" tiin, BJP-in hmarchhak state hrang hrangah hma a sawn zel tih a sawi.