Sikkim-ah hmeichhia an him

Sikkim-ah hnathawhna hmuna hmeichhiate laka hleihlenna thleng report a awm loh thu state social welfare minister social welfare minister Tulsi Devi Rai-i chuan a sawi.

Sikkim-ah hian tun hnai khan 'sexual harassment of women at workplace' tih thupui hmangin workshop buatsaih a ni a, he hun hmanpuitu social welfare minister Rai chuan he thu hi a sawi a ni. Rai-i chuan kalkhawmte chu hmeichhe laka hleihlenna thleng emaw tharum thawhna emaw a awm a nih chuan state women commission-ah thlen turin a chah. Sikkim hi tun hnai khan India rama hmeichhiate laka hleihlenna thleng tlemna berah puan a lo ni tawh a, hnathawhna hmuna hmeichhiate himna ber hmunah thlan a ni bawk.

State women commi­ssion chairperson Rehna Rai chuan state pumah aware­ness programme kalpui a nih thu sawiin, hei hian rah ṭha a chhuak mek a ni a, ti. Social welfare secre­tary R. Telang pawhin sor­kar depart­ment zawng zawngah 'inter­nal commi­ttee' din a nih thu sawiin, hei hian nasa takin hmeichhiate chunga hlei­lenna thleng tur a veng a ni, a ti. Vanduai thila pawi­khawihna thleng palh a awm a nih pawhin committee chuan ni 90 ral hmain a chhui chhuak zel dawn a ni, a ti bawk.