Hmarchhak miin ‘Social Entre-preneur of the Year Award 2016’ dawng

Baptist College, Nagaland-a Economics lecturer hlui Assam mi Neichute Doulo chu ‘Social Entre-preneur of the Year Award 2016’ hlan a ni.

Neichute Doulo hian a pension hnuah hmarchhak ṭhalaite tan hna nasa taka thawkin, ṭhalai 15,000 vel zet hna a hmuhsak nia tarlan a ni a, a hna thawh ṭhat a vang hian Schwab Foundation for Social Entrepreneurship chuan Award hi a hlan a ni. Doulo hian ama pualin Entrepreneurs Associates (EA) dinin, nasa takin hma a la a, hmarchhak ṭhalai hna nei lote kawng kawh hmuha hna zawn sak chu a hnapui ber a ni. EA kaltlang hian ṭhalai tam tak training pek an ni a, an zawh hnu hian hmun hrang hrangah hna thawh tur ngaihtuah sak an ni.

Doulo chuan EA dintu chu mi 13 an nih thu sawiin, a tirah cheng 500 ṭheuh thawha bul ṭan a ni, a ti. Kawng hrang hrangin sum tuak a ni a, EA pawh chuan hma a sawn ve zel a ni, a ti. Tunah chuan mi 10,000 zet hnenah loan an pekchhuah theih tawh thu a sawi bawk. Entrepreneurs Associates (EA) hnuaiah hian mi tam tak an inziaklut tawh a, Nagaland leh Manipur bikah ṭhalai mi 15,000 zetin intunnun nan an hmang tawh. Doulo chuan lo neitute hnenah pawh loan an pek chhuah thu sawiin, tun dinhmunah loneitu mi 3,500 zet hnenah loan pek a ni, a ti.

Neichute Doulo hi Entrepre-neurs Associates (EA) din a nih theih nana a puipa ber niin, a hna thawh ṭhat avang hian ‘Social Entre-preneur of the Year Award 2016’ hi hlan a nih thu Schwab Foundation for Social Entrepreneurship chuan a tarlang.