Meghalaya police-te'n sumdawng ruk bote zawng zel

Meghalaya police-te chuan Assam sumdawng mi pakua, South Garo Hills aṭanga ASAK-te'n an ruk bote zawn hna chu an la thawh chhunzawm zel.

Sumdawngte hi South Garo Hills aṭangin kar kalta Zirtawpni khan ruk bo an ni a, tun thlengin an chin hriat a la ni lo. Ruk bo mi pakuate hi an vaiin Assam mi vek an ni a, kartina an tih ṭhin angin South Garo Hills-a Dumnikura khuaah bazar turin an kal a, helte hian an lo ru bo ta a ni. Mankachar SP chuan South Garo Hills hi Inrinni khan a tlawh nghal a, Meghalaya DGP SB Singh nen hnuchhui dan tur an sawi dun a ni.

Sumdawng ruk bo te chu - Vakil Mazumdar, Abdul Sabur, Noor Alam, Samaroh Sheikh, Khoka Sheikh, Rokib Hossain, Abdul Rahim leh Mazahar Sargam-te an ni. A rutu ASAK-te hian thamna sum an phut em tih tarlan a ni lo.