Tripura: Liver disease conference nei dawn

Tripura-a Hepatitis Foundation chuan scientific conference, LIVERCON vawi riatna chu June 14-15 hian International Convention Centre, Agartala-ah an buatsaih dawn. Thupui atan "Liver Healt for All: Empowerment of Community' tih niin, Tripura leh hmarchhak bial hmun hrang hrang aṭangin doctor 300 chuang an tel beisei a ni a, India ramchhunga hepatologist thiam rual 25 an tel dawn bawk. He hunah hian Dr S.K. Sarin, Dr Mamun, Dr Joy Varghese leh Dr Fazle Akbar ten thu an sawi ang.

LIVERCON hi kum 2011-a neih ṭan niin, tunlai thiamna sang zawk leh hmasawn zawk hmanga lung lam ṭha lo enkawlna kawngah a pawimawh hle. Tripura Hepatitis Foundation hi kum 2002 khan din a ni a; vantlang hriselna, a bik takin Hepatitis B vaccination kalpui lama sulsutu pawimawh tak an nih bakah, anmahni kaltlang hian state chhunga cheng mi nuai 14 chuang vaccine hi pek an ni tawh a ni.

Kumina conference neih turah hian Metabolism Associated Steatotic Liver Disease (MASLD) vei an pun chhoh zel avangin he natna hi thlurbing a ni dawn.