Assam : CM-in Dibrugarh City Hospital sakna tur lungphum phum

Assam chief minister Himanta Biswa Sarma chuan Inrinni khan Dibrugarh-a Jail Road-ah Assam Medical College and Hospital (AMCH) annex, khum 200 awmna City Hospital sakna tur lungphum a phum. He hun hi union minister Sarbananda Sonowal, Assam minister Jogen Mohan, Prasanta Phukha leh Bomal Borah te bakah MLA enge maw zat leh senior official-ten an hmanpui.

Damdawi-in thar, chhawng ruka sak tur hi World Bank sum hmanga Assam State Secondary Healthcare Initiative for Service Delivery Transformation (ASSIST) Project hnuaia sak a ni dawn a, a sakna atana senso atan Rs vbc 206 ruahman a ni. Dibrugarh district-a healthcare infrastructure investment lian ber zinga mi a ni. Damdawi-in hi bigha 10-a zaua sak a ni dawn a, a pumpui zau zawng hi square metre 29,087 tur niin kum hnih chhunga sak zawh hman tum a ni.

Khum 200 zinga 120 chu Maternity Department tana ruahman a ni a, a dang zawng chu medicine, surgery, orthopedics, pediatrics leh department dang tan ruahman a ni thung.