Tripura: Tribal hostel 33-ah smart class kalpui

Tripura Tribal Welfare Department chuan nimin, June 16 khan state chhung hmun hrang hranga tribal hostel 33-ah smart class kalpuina tur a tlangzarh. He hmalakna hi hmun tlawhpawh loha cheng zirlai naupangte tan digital lama thiamna an neih theihna tura ruahman a nih thu official pakhat chuan a sawi.

Tribal welfare minister Bikash Debbarma chuan tribal hostel-a smart class hi a hawng a, hawnna inkhawmah hian sorkar enkawl hostel 33 aṭanga zirlaite an tel. He hmalaknaa a thawh khatnaah hian zirlai 7,000 velin an chhawr thei dawn a ni.

He project-ah hian online interactive class, record lecture, ṭawng chi hrang hranga study material print, online test, study material download theihna, learning management system (LMS), rilru hriselna lam counselling session te a awm a ni. Tribal welfare director Subhasish Das chuan sorkar enkawl tribal hostel-a awm, zir naupangte tan technology changkang zawk chhawpchhuah sak an tum thu a sawi.