Assam leh Arunachal Pradesh-in regional committee meeting nei

Assam leh Arunachal Pradesh chuan kum 10 aia tam ramri chungchanga buaina an neih tawh chingfel turin Thawhlehni khan regional committee meeting vawi ngana an nei. Meeting-ah hian minister, MLA leh senior officer te bakah state pahnih aṭanga regional committee aiawhte an tel. Ramri buaina an la neih mek khaw ṭhenkhata buaina chinfel dan turah inremna an siam thei a ni.

Inter-state border meeting hi regional committee-in Assam-a Dhemaji district leh Arunachal Pradesh-a Lower Siang leh East Siang district-a ramri buaina chingfel tura hma an lakna pakhat a ni. Indian Agricultural Research Institute (ICAR), Dirpai Chapori, Gogamukh, Dhemaji district, Assam-a meeting neih hi Assam minister Jayanta Malla Baruah leh Arunachal Pradesh minister Kento Jini ten an kaihruai a ni.

Meeting hmasa lamah thingtlang khua eng emaw zata buaina neihte chu chinfel a lo ni tawh. Buaina la chin fel lohna khaw ṭhenkhatah sorkar leh tualchhung mi aiawhte nen enfiah hna hi an thawk dawn a ni. Hemi aṭang an thil hmuhchhuah report chu thla hnih chhunga thehlutin, a chinfel dan ngaihtuah a ni ang.

State pahnihte hian sorkar laipui kaihhruaina hnuaiah inbiakna vawi eng emaw zat nei tawhin hma an sawn zel a, an buaina pawh an sawr zim tawh hle. Thawhlehnia an inbiakna pawh hian rah ṭha a chhuah tak a chhuah beisei a ni bawk.