Nagaland-ah zirtirtuten nawrh huaihawt

Nagaland Sarva Shiksha Abhiyan Teachers Association (NSSATA) zirtirtu mi 2,600 zet te chuan thla ruk chhung hlawh an lak tawh loh avanga lungawi loin, Thawhlehni Kohim-a Directorate of School Education (DoSE) kawtah nawrh an huaihawt.

NSSATA-te hian sorkar kar nan October 17 aṭang khan class lak an titawp lailawk tawh a ni. School Education minister Yitachu chuan zirtirtute harsaatna chu Education Department Secretary leh HoD te a sawipui tur thu a sawi a, mahse an thil phut a hlawhtlin tak mai loh avangin nawrh hi an huaihawt ta a ni. Zirtirtu lungawi lote hian Nilaini khan nawrh hi an chhunzawm a, Directorate of School Education office chhhungah luh tumin an bei a, police-te chuan lo dangin, an innawrbuai zui bawk. He thil thlengah hian thi leh hliam an awm hriat a ni lo.