Assamese film-in Paris-ah lawmman dawng

Assamese film ‘Kothanodi’ chuan France khawpui Paris-a South Asian Film Festival neih zawh takah 'Student Jury Prize' a dawng.

Film Festival hi South Asian ram hrang hrang aṭanga film ṭha tlanchhuah phochhuahna a ni a, ngaihhlut a hlawh ṭhin hle. ‘Kothanodi’ film producer Anurupa Hazarika chuan chawimawina an dawng leh ta chu lawmawm a tih thu sawiin, Assam film industry-ah chuan hmasawnna thil chhinchhiah tlak te zing a mi a ni, a ti. Kothanodi hi Bhaskar Hazarika direct niin, a changtute chu - Seema Biswas, Adil Hussain, Urmila Mahanta, Zerifa Wahid leh Kapil Bora-te an ni.

Assamese film lar ‘Kothanodi’ hian National Film Award a lo dawng tawh bawk a ni.