ASAK-te'n Sumdawng an rukbote chhuah

Meghalaya, South Garo Hills aṭanga October 28-a ASAK-te'n an rukbo Assam sumdawng mi pakuate chu chhuah an ni.

Sumdawngte hi Meghalaya forest area aṭangin ASAK-te hian an chhuah niin district SP Anand Mishra chuan a sawi. An vai hian Gasuapara outpost-ah lak an ni a, an hriselna endik sak an nih hnuah an awmna ṭheuh an pan a ni. Meghalaya police-te chuan hnuchhui hna hi an thawk nghal a, beihpui thlak a nih hnuah chhuah an ni ta a ni. Ruk bo mi pakuate hi an vaiin Assam mi vek an ni a, kartina an tih ṭhin angin South Garo Hills-a Dumnikura khuaah bazar turin an kal a, ASAK helte hian an lo ru bo ta a ni.