NFR official-in Tripura rel kawng siam mek endik

Northeast Frontier Railway (NFR) general manager Chetan Kumar Shrivastava chuan June 18 leh 19 khan Tripura-a Lumding Division rel kawng siam mek chu a hmunah tlawhin, rel kawng dinhmun leh infrastructure a him tawk em tihte a enfiah.

General Manager hian Agartala Coaching Depot tlawhin, passenger coach-te chu hman theih a nih tawh leh tawh loh a enfiah bawk a, depot-in traffic pung zel a hmachhawn theih dan chipchiar taka zirchian nghal a ni.

Shrivastava hian Agartala Coaching Depot-a Electronic Laboratory sak thar pawh hawngin, hemi hnu hian Agartala-a thawktute awmna hmun tur a endik a, mihring khawsakna turin a him tawk leh tawk loh te, hriselna atan a ṭhat tawk leh tawk loh bakah mamawh thil a awm ṭha em tihte a enfiah. Rrailway thawktute leh supervisor-te nen inbiakna an nei bawk.