Manipur : Governor-in zirna ti hmasawn turin official te hriattir

Manipur governor Ajay Kumar Bhalla chuan state chhunga zirna in tih hmasawn leh tihchangtlung kawngah hma la turin official te a hriattir.

Governor hian kar liam ta khan meeting pawimawh tak koin, state chhunga zirna kalpui dan tihhmasawn leh tihchak a pawimawh thu an sawi ho. He hunah hian director of education Ng. Bhogendra Meitei leh joint secretary education Anjali Chongtham bakah officer enge maw zat an tel.

Meeting-ah hian Bhalla chuan zirna changkang, huap zau leh naupang zawng zawngte zirna dik leh ṭha pek a pawimawh thu sawiin, National Education Policy 2020 leh Integrated Teacher Education Programme (ITEP) in hmasawnna atana thil pawimawh tak tak a kalpuite pawh tarlan a ni.

Governor Bhalla chuan infrastructure tih changtlun, digital hmanga zirna kalpui leh zirtirtu thiam tak takte chu ṭhalaite hma hun atan an pawimawh thu a sawi. School Education Department secretary N. Praveen Singh chuan sikula zirlai in ziahluh dan kimchang a tarlang bawk. District hrang hranga sikul an kaihhruai dan, an ṭhanlen dan leh sikula in ziaklut an pun theihna tura hma lak dan kawng awmte an sawi ho bawk.