Meghalaya: Mawkdok-ah skywalk siam dawn

Meghalaya chief minister Conrad K. Sangma chuan East Khasi Hills-a Mawkdok-ah Rs vbc 51.7 senna tur skywalk siam a nih tur thu puangin, he project hi fur zawha thawh ṭan a nih tur thu a sawi bawk.

Chief Minister Sangma hian Thawhṭannia"CM Connect" program hnuaiah Mawkdok a tlawh ṭumin skywalk siam a nih tur thu hi a puang a ni. Skywalk hi tourism infrastructure tih hmasawn kawnga state sorkar hmalakna pawimawh tak a ni.

He skywalk hi metre 40 a thuia siam tum a ni a, a zau zawng metre 7 niin India rama skywalk thui ber zinga mi a ni thei dawn tih official-te chuan an sawi. He project hian tourism nasa takin a thlak danglam dawn a, tualchhung mipuite tan sum lak luhna tur a siamsak bawk dawn a ni tiin CM Sangma chuan a sawi.

Mawkdok hi khawthlirna hmun lar tak niin Sohra tourism circuit bulhnaia awm a ni. Cherrapunji tlawh turte an kaltlang ṭhin na a nih avangin tlawhtu pawh a ngah ṭhin hle. Skywalk siam zawh hunah khualzin pawh a hip phah hle beisei a ni bawk.

Project hi Shillong Blossom festival 2023 khan puan a lo ni tawh a, CM Sangma leh union DONER minister Jyotiraditya Scindia te chuan lungphum an lo phum tawh bawk a ni. Hemi ṭum hian CM Sangma chuan a hmathlirte sawilangin, tourism pawimawhna te, DoNER Ministry in tourism chawikan kawngah nasa taka a thlawp avanga beiseina sang tak a neih thu a sawi.