Hayuliang by-eletion : Congress candidate hnawl APCC-te Gauhati HC-ah zualko

Arunachal Pradesh Congress Committee (APCC)-te chu Hayu-liang legislative assembly con-stituency by-eletion neih tura an party candidate atana an thehchhuah Lapalum Kri-a nomination file, state election officer-in a hnawlsak avangin Gauhati High Court-ah Nilaini khan an zualko.

Kri hi Public Health Enginee-ring department-a Chief Engineer ni lai a ni a, by-election-ah Congress ticket-a din dawn avangin Voluntarily Retirement Scheme (VRS)-a pension a dil a, hei hi state sorkar chuan a pawmsak lo a ni. Hemi avang hian state election officer chuan, Kri-a'n Hayuliang by-election November 19-a neih tur atana nomination a file chu a hnawlsak ta a ni. APCC-te chuan Kri-a'n VRS a dilna state sorkarin a dansak avang hian vawi eng emaw zat lungawilohna an lantir tawh a ni.

APPCC President Padi Richo chuan,"Arunachal Pradesh-a BJP leh PPA sorkar chetdan hi pawmzam mai chi a ni lo, Congress party chu by-election-ah hian che thei loa siam a tum a ni" a ti. Hemi chungchangah hian Gauhati High court-ah an zualko tih Richo chuan sawiin, a tawp thlenga an beih tur thu a sawi. Hayuliang by-election neih turah hian candidate mi pali te chuan nomination file-in, Independent candidate pahnih - Yompi Kri leh Konteso Kri-te an awm. BJP chuan Arunachal chief minister hlui, Kalikho Pul-a nupui Dasanglu Pul-i chu an thehchhuak a, hetih lai hian Congresss Candidate Lapalum Kri-a nomination file erawh hnawlsak a ni thung.

Hayuliang constituency hi chief minister hlui Kalikho Pul-a bial a ni a, Pul hi August thla khan a boral a ni. November 19-ah by-election hi neih a ni dawn a, November 22-ah vote chhiar a ni ang.