Modi-a'n Mary Kom sports foundation hawng dawn

World champion vawi nga lo ni tawh leh, Olympic bronze-medalist ni bawk, boxer M C Mary Kom-i sports foundation 'Olympic Gold Quest' (OGQ) chu November 8 hian Prime Minister Narendra Modi-a'n a hawng dawn.

Tunah hian OGQ hi kalpui mek a ni a, ṭhalai infiam mite chu training uluk taka pek an ni. Mary Kom chuan, "OGQ kaltlang hian ṭhalai infiam miten hma an sawn theihna turin hma lak a ni a, India ram mai ni lo khawvel huapa inelna hmachhawn thei turin training pek an ni. Olympic thlenga kan boxer-t'en medal an lak theihna turin hma kan lakpui zel dawn a ni" a ti. Accademy hi Gym Trainer ṭha takin a vil a, sports physiotherapist thiam takin hun bi neiin infiam mite hi an ṭhutchilh ṭhin bawk.

Mary Kom pasal leh OGQ Co-Founder and Managing Director ni bawk Onler Kom chuan, training session chu mumal taka kalpui a nih thu sawiin, boxer mi pasarihte hnenah bicycle pek an nih thu a sawi. Academy secretary Jimmy Levion chuan, boxer-te chu sponsor an nih thu sawiin, an training senso zawng zawng tum sak an ni, a ti. 'Olympic Gold Quest' (OGQ) hotunu Mary Kom hi Rajya Sabha member atana ruat bikte zingah a tel mek a ni.