November 19-ah Assam by-poll

Assam-a Lakhimpur parliamentary leh Boi-thlangso (ST) assembly constituency-a by-elec-tion neih turah candidate mi pariat te chuan no-mination an file tawh tih election office chuan a tarlang.

November 19-ah by-election hi neih a ni dawn a, Lakhimpur parliamentary-ah chuan mi panga in nomination an file a, Anglong dis-trict-a Boithlangso (ST) ah chuan candidate pathum an awm thung. Lakhimpur-ah hian Pradan Barua (BJP), Hema Hari Pegu (Cong), Amiya Handique (CPI-ML), Hemkanta Miri (SUCI) leh Dilip Moran (Independent) te chu an inkhing dawn a ni. Lakhimpur hi Assam Chief Minister Sarbananda Sonowal-a dinna bial pakhat niin, Sonowal hi Majuli assembly constituency aṭanga thlan tlin a nih bawk avangin, Lakhimpur-ah hian by-election neih a ngai ta a ni.

Boithlangso (ST) assembly constituency-a-ah chuan Mansing Rongpi (BJP), Rupamsing Ronghung (Cong) leh Raju Rongpi (Ind) te an inkhing thung dawn a ni. Boithlangso (ST) hi Congresss MLA Mansing Rongpi-a bial niin, July 12 khan Rongpi-a hian banna a thehluh avangin by-eletion hn neih a ni dawn. Vawiin hian candidate te nomination file hi endik a ni ang a, November 5 thleng inhnuhdawhna hun hawn a ni.