Nagaland sorkarin SSA zirtirtute hlawh pe chhuak dawn

Nagaland sorkar chuan Sarva Shiksha Abhiyan (SSA) hnuaia zirtirtu hnathawk, mi 2,600-te hlawh chu November 2016 ral hma ngeia pek a tiam.

Thlaruk chhung zet hlawh an lak tawh loh avangin, tunkar Thawhlehni leh Nilaini khan Nagaland Sarva Shiksha Abhiyan Teachers Association (NSSATA) zirtirtute chuan an state khawpui Kohim-a Directorate of School Education (DoSE) kawtah nawrh an lo huaihawt tawh a ni. Commissioner and Secretary FP Solo chuan Centrally Sponsored Scheme (CSS) hnuaia SSA zirtirtute hlawh chu November thla chhung ngeia pek chhuah a nih tur thu a sawi a ni. FP Solo chuan, state sorkarin National Mission Authority of the SSA dan leh hraite a zawm thu sawiin, a hun takah zirtirtuten hlawh an lak theihna turin sorkar chuan hma a la dawn tih a sawi.

NSSATA-te hian sorkar kar nan October 17 aṭang khan class lak an lo titawp lailawk tawh a, state sorkar chu SSA zirtirtute hlawh hrensakah an puh a ni.