MHA dan kalhin China khualzin-in AP tlawh

Chinese tourist mi pahnihte chuan September thla khan Ministry of Home Affairs (MHA) dan zam palzutin Arunachal Pradesh an luh nia tarlan a ni.

Chinese khualzinte hi Young James John leh Wu Chong Shong-te an ni a, HMA-in Protected Area Permit (PAP) hmang chauha tlawh a phal Tawang, West Kameng leh Lower Subansiri district-te chu ni 30 chamin an tlawh nia tarlan a ni. He thil thleng hi tun hnai khan media-te'n an tarlan avangin ngaihven a hlawh hle a, chhui zui a nih dawn leh dawn loh erawh tarlan a ni lo thung.

Tun hnai khan US envoy Richard Verma chuan Tawang a tlawh a, hei hi China chuan na takin a sawi-sel. Tibetan sakhaw puithiam Dalai Lama-a'n Aru-nachal Pradesh Chief Minister Pema Khandu-a'n an state tlawh tura a sawm chungchangah sorkar laipuiin harsatna a awm loh tur thu a sawi. Heng boruakte avang hian Chinese tourist-te'n Ministry of Home Affairs dan zam palzuta Aruna-chal an tlawh hi rawn irhchhuak leh nia ngaih a ni.