Arunachal-ah Russian Tourist boral

Russian tourist pakhat chu Arnachal Pra-desh, Lower Subansiri District-a Kamala luiah 'rafting expedition' an neih laiin a chesual a, tuiah a tlahlum zui a ni.

He thil hi October 31-a thleng kha niin, expedition nei tur hian Russin aṭangin mi panga te Arunachal hi an pan a ni. Russian tourist ruang hi Nilaini khan hmuh a ni a, Russian Embassy hriattir a nih hnuah a ruang hi an ram panpui a ni ang. Ruang hi General Hospital, Ziro-ah post-mortem tura lak a ni.

He thil thleng hi Chief Minister Pema Khandu leh chief secretary S Gamlin-te chuan district thuneitute an sawipui tawh a, state sorkar chuan thi chhungte a tawrhpui thu a tarlang bawk.